“Íþróttaþjálfun barna á að leggja áherslu á að efla tilfinningafærni þeirra. Þess konar þjálfun er að mínu viti það sem 21. öldin er meir og meir að byrja að fókusa á. Fyrsti vísirinn að því hér á landi er Aþena, viskugyðjan.”

“Mér finnst einstaklega áhugavert að fylgjast með þjálfunaraðferðum Brynjars Karls og samstarfsfólki hans í Aþenu. Iðkendum er kennt, í gegnum þroskuð samtöl, að takast á við mótlæti innan vallar sem utan med því að læra á eigin tilfinningar, skipuleggja tíma sinn og forgangsraða.”

“Uppeldi, þjálfun og kennsla er persónumótun – til að ná alvöru árangri þarf ótrúlega ástríðu fyrir verkefninu; að gefa börnum og ungmennum allt sitt allra besta. Því miður er þessi eldmóður ekki alltaf fyrir hendi sem getur endað með vanmati á getu barna, of litlum kröfum og jafnvel afskiptaleysi. Þess vegna gladdi hjarta mitt að fylgjast með æfingum hjá Aþenu og finna eldmóðinn. Ég sá þessa ástríðu og metnað og ekki síður traust og sterk tilfinningatengsl milli bæði stúlkna og drengjahópsins við Brynjar Karl og þjálfarateymið hans. Upplitsdjörf og glöð börn sem svöruðu óhikað öllum mínum spurningum.”

“Dóttir mín byrjaði að æfa með Aþenu fyrir tæpu ári síðan. Við höfum verið afskaplega ánægð með árangurinn sem það hefur skilað bæði innan sem utan vallar. Brynjar Karl og Aþena standa fyrir virkilega flottu og metnaðarfullu prógrammi.”

“Aþena og Brynjar Karl eru að gera mjög þarft verkefni í íslensku samfélagi. Það er einfaldlega verið að þjálfa upp hæfari einstaklinga og leiðtoga til þess að takast á við lífið. Það er gert með mjög skipulagðri og agaðri starfsemi þar sem það er hlustað á unga fólkið.”

“Það sem ýtir hvað mest við mér er þegar ég sé hvað er hægt að virkilega kenna þessum krökkum. Ég mæli með fyrir alla að fara og sjá hvernig er verið að vinna með krakkana hjá Aþenu.”

“Þetta prógramm ‘inspirerar’ mig í því sem ég er að gera. Þarna er verið að setja kröfur á iðkendur og foreldra til þess að ná fram því besta úr eintaklingnum bæði sem íþróttamanni og persónu.”

“Mér þykir þetta verkefni hjá Brynjari afskaplega áhugavert. Því ber að fagna þegar fólk er tilbúið að setja svona mikinn kraft í að efla börn og unglinga.”

“Ég hef unnið náið með Brynjari í þjálfun. Aðferðir hans og nálgun eru framúrskarandi. Það verður gaman að fylgjast með upprisu Aþenu á komandi árum.”

“Brynjar Karl og stelpurnar vinna hug og hjörtu allra sem sjá ,,Hækkum rána”. Ég hef verið svo heppinn að kynnast eldhuganum Brynjari og get endalaust af honum lært.”

“Uppbygging Aþenu er metnaðarfullt og þarft verkefni. Það er mjög mikilvægt að svona þjálfun sé í boði fyrir þá sem það vilja. Ég hef reynslu af því að vinna með Brynjari Karli og ég treysti engum betur fyrir þessu verkefni.”

“Það er ekkert hefðbundið við aðferðir Brynjars, hann setur ný viðmið í leiðtogaþjálfun með sínum námskeiðum.”

“Brynjar hefur sýnt hvaða kröfur við getum gert til leikmanna þótt ungir séu og náð að búa til sterka einstaklinga sem vita hvað þeir vilja. Það sem hann hefur náð að kenna þeim og hvað þeir eru vel þjálfaðir er eitthvað sem maður hefur ekki séð áður með leikmenn á þessum aldri.”

“Ég á tvær dætur sem æfa körfubolta hjá Aþenu og hefur ávinningur þeirra af þjálfuninni skilað sér langt út fyrir íþróttavöllin. Ég veit ekki um betri stað fyrir dætur mínar.”